Udar pa rasijskim ZRK S-400 u Krymie byŭ naniesieny pry dapamozie novaj ukrainskaj rakiety — Daniłaŭ
Udar pa rasijskim ZRK S-400 23 žniŭnia ŭ Krymie byŭ naniesieny pry dapamozie novaj ukrainskaj rakiety, pra heta zajaviŭ siońnia sakratar Rady nacyjanalnaj biaśpieki i abarony Ukrainy Alaksiej Daniłaŭ.
26.08.2023 / 12:56
Skrynšot videa
Daniłaŭ admoviŭsia adkazvać na ŭdakładnialnyja pytańni nakont rakiety, skazaŭšy tolki, što rakieta pakazała siabie biezdakorna, a pracy nad prajektam pačalisia ŭ 2020 hodzie.
Nahadajem, što ŭ sieradu Hałoŭnaje ŭpraŭleńnie raźviedki Ukrainy zajaviła pra źniščeńnie rasijskaj zienitnaj rakietnaj sistemy S-400 «Tryumf» kala siała Alenaŭka na mysie Tarchankut u Krymie.
Svaju zajavu raźviedka tady padmacavała kadrami videa. Paviedamlajecca, što ŭ vyniku vybuchu była źniščanaja sama ŭstanoŭka, ustalavanyja na joj rakiety i asabovy skład.
«Uličvajučy abmiežavanuju kolkaść takich kompleksaŭ na ŭzbrajeńni voraha, heta — balučy ŭdar pa sistemie SPA akupantaŭ, što budzie mieć surjozny ŭpłyŭ na dalejšyja padziei ŭ akupavanym Krymie», — havaryłasia ŭ paviedamleńni HUR Ukrainy.
Čytajcie taksama:
U Rasii zajavili pra ataku 42 bieśpiłotnikaŭ na Krym
Ukrainskaja DRH vysadziłasia ŭ Krymie, abstralała abjekt i viarnułasia
Budanaŭ: Tym, chto narabiŭ hłupstvaŭ u Krymie, im lepš vyjechać