Dźvie dziaŭčynki patanuli ŭ Sieńnienskim rajonie. Jany płavali na nadzimanym matracy
Trahiedyja adbyłasia ŭčora kala 18 hadzin na voziery Levanova pablizu vioski Adamava Sieńnienskaha rajona.
27.08.2023 / 10:17
Kali ratavalniki prybyli na miesca zdareńnia, to pabačyli kiempinh na dźvie siamji.
Vyśvietliłasia, što kala 17:35 adzin z mužčyn na nadzimanym matracy z tryma dziećmi adpłyŭ na adlehłaść kala 80 m ad bieraha. U niejki momant matrac pieraviarnuŭsia, i jany apynulisia ŭ vadzie.
Chłopčyka 2014 hoda naradžeńnia vyratavaŭ na łodcy rybak, jaki ŭ hety momant znachodziŭsia niedaloka ad miesca zdareńnia.
Vadałazy na adlehłaści 70 mietraŭ ad bieraha i na hłybini 3 mietraŭ znajšli cieła 9-hadovaj dziaŭčynki, a praz 25 chvilin — jaje 6-hadovaj siastry.