Па сённяшнім дні варажылі, якім будзе бабіна лета
28.08.2023 / 7:16
Сёння праваслаўныя святкуюць Ушэсце (Унебаўзяцце) Божай Маці. У народзе — Прачыстая, або Спленне. А праваслаўныя, якія трымаюцца новаюліянскага календара, адзначалі гэта свята з Заходнім светам 15 жніўня.
Фота: «Наша Ніва»
Свята ўзнікла ў ІV ст. на ўшанаванне Маці Божай. Унебаўзяцце — адно з галоўных урачыстасцяў на працягу літургічнага года.
У Беларусі ў гэты дзень асвячаюць новы ўраджай (дажынкавыя снапы, садавіну, гародніну), а таксама зёлкі і кветкі. Букеты асвечаных раслін заносяць дамоў і высушваюць. Іх прызначэнне — ахоўваць ад хвароб.
29 жніўня ў праваслаўнай грамады — Арэхавы (Трэці) Спас. Лета завяршаецца.
Адна з народных прыкмет сённяшняга дня наступная: калі на Прачыстую добрае надвор'е, то бабіна лета будзе халаднаватым.
Сёння ў многіх раёнах краіны чакаюцца кароткачасовыя дажджы, навальніцы, месцамі будуць залевы. Днём +25..+31°C, у паўднёвых раёнах + 32..+34°С, месцамі +35°С.
У Мінску кароткачасовы дождж, навальніца. Днём +29..+31°C.
Чытайце таксама: