U Varšavie siońnia abmiarkujuć pytańnie zakryćcia miažy ź Biełaruśsiu
«Litva hatovaja da płana zakryćcia miažy, ale ciapier niama pahroz», — zajaviła ministr unutranych spraŭ Ahnie Biłatajcie.
28.08.2023 / 08:18
Archiŭnaje fota. Ahnie Biłatajcie (druhaja sprava) na Maršy žanočaj salidarnaści ź Biełaruśsiu ŭ Vilni, 10 kastryčnika 2020 hoda.
«Litva hatovaja da płana zakryćcia miažy, jon znachodzicca na roznych uzroŭniach, my pradstavim jaho i abmiarkujem z kalehami, kab pry adpaviednych uzroŭniach pahrozy my mahli adnačasova vykonvać adny i tyja ž dziejańni i pastanovy», — skazała ministarka žurnalistam u piatnicu, paviedamlaje BNS.
Raniej, kali Litva zakryła punkty «Šumsk» i «Ćvierač», ministr zajaviła, što krainy Bałtyi i Polšča viaduć pieramovy ab «rehijanalnym rašeńni» całkam zakryć miažu z susiedniaj aŭtarytarnaj krainaj.
U paniadziełak pavinny być uzhodnieny zaklučnyja momanty takoha miechanizma.
«Aceńvajučy prablemu kantrabandy, aceńvajučy toj fakt, što nam siońnia sapraŭdy patrebnyja słužbovyja asoby na zialonaj miažy ź Biełaruśsiu, my nasamreč aceńvajem heta i abdumvajem kankretnyja rašeńni, vyrašajučy mienavita hetyja prablemy», — skazała ministr.
Adnak jana paviedamiła, što ciapier niama nijakich pahroz, jakija patrabavali b poŭnaha zakryćcia miažy.
Čytajcie taksama:
MUS Litvy aceńvaje mahčymaści zakryćcia novych pamiežnych pierachodaŭ na miažy ź Biełaruśsiu
Kiraŭniki MUS Litvy i Polščy abmierkavali mahčymuju izalacyju Biełarusi
Krainy Bałtyi i Polšča abmiarkujuć pytańnie zakryćcia miažy ź Biełaruśsiu ŭžo ŭ hetym miesiacy