U Minsku zatrymali jurysta bujnoj mižnarodnaj kampanii za ŭdzieł u pratestach
U videa HUBAZiKa mužčynu abvinavačvajuć u vychadzie na prajeznuju častku.
28.08.2023 / 13:02
Alaksandr Filipuška. Fota: jahonaja staronka «UKantakcie»
Zatrymanaha kličuć Alaksandr Filipuška. Jamu 33 hady, rodam jon z Pastavaŭ.
Paśla škoły Alaksandr pastupiŭ u Biełaruski dziaržaŭny ekanamičny ŭniviersitet i skončyŭ tam mahistraturu. Paśla pieršaj stupieni ŭniviersiteta try hady pracavaŭ padatkovym inśpiektaram u padatkovaj Maskoŭskaha rajona h. Minska. Paśla hetaha, z 2015 da 2019-ha hoda, byŭ aŭdytaram u finansavaj kampanii «FBK-Bieł». Nastupnyja dva hady — aŭdytaram i kiraŭnikom prajektaŭ u minskim ofisie adnoj z najbujniejšych aŭdytarskich kampanij śvietu Grant Thornton.
Čatyry miesiacy tamu mužčyna pierajšoŭ u jašče adnu bujnuju finansavuju kampaniju Revera law group na pasadu padatkovaha kansultanta. Tydzień tamu ŭ Alaksandra skončyŭsia vyprabavalny termin. U videa hubazikaŭcy zmušajuć jaho nazvać zarobak — čatyry tysiačy rubloŭ.
Alaksandra Filipušku abvinavačvajuć u tym, što jon «chadziŭ pa darohach padčas pratestaŭ». Zvyčajna heta značyć, što čałavieku pahražaje kryminalnaja sprava pa artykule 342 KK Biełarusi — «Udzieł u dziejańniach, jakija hruba parušajuć hramadski paradak».
Čytajcie taksama:
Raspaznavańnie tvaraŭ: što heta takoje, jak jano pracuje i jakija zdolnaści biełaruskich siłavikoŭ