Na volu vyjšli palitviaźni Siarhiej Mirajeŭski i Alaksandr Kaścienka
Abodva adbyli svoj termin pakarańnia.
28.08.2023 / 13:22
Siarhiej Mirajeŭski. Fota: sacsietki
Siarhiej Mirajeŭski — žychar Śvietłahorska, jakoha abvinavacili pavodle č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak). Mirajeŭski byŭ zatrymany 11 žniŭnia 2020 hoda i ŭtrymlivaŭsia pad vartaj troje sutak, paśla čaho da suda byŭ na voli pad padpiskaj ab niavyjeździe.
21 śniežnia 2020 hoda sud Śvietłahorskaha rajona pryznaŭ Siarhieja vinavatym i pakaraŭ jaho dvuma z pałovaj hadami «chimii». Z sakavika 2021 hoda palitviazień adbyvaŭ termin u mahiloŭskaj PUAT-43.
Alaksandra Kaścienku abvinavacili taksama pa č. 1 art. 342 KK. 13 maja 2022 hoda jamu pryznačyli 1 hod i 6 miesiacaŭ pazbaŭleńnia voli ŭ kałonii ahulnaha režymu. Termin jon adbyvaŭ u viciebskaj kałonii № 3.
Palitviaźni całkam adbyli terminy i niadaŭna vyjšli na volu, paviedamlaje «Homielskaja viasna».
Čytajcie taksama:
Vyjšaŭ na volu palitviazień Alaksiej Hałoŭkin