Telekanał ANT abviaściŭ ab zakryćci hałoŭnaha tydniovaha prajekta — prahramy «Kontury»
27 žniŭnia vyjšła apošniaja prahrama prajekta.
28.08.2023 / 13:31
Alaksandr Avierkaŭ — pieršy viadučy prahramy. Skryn videa
Prahrama «Kontury» była ŭ efiry bolš za 20 hadoŭ, jana vychodziła ŭ niadzielu.
Pieršym jaje viadučym byŭ Alaksandr Avierkaŭ, jaki šmat dla kaho tak i zastaŭsia tvaram prahramy. Jaho źniali ŭ kancy 2015 hoda, chacia na ANT jon zastaŭsia.
Apošnim časam prahramu vioŭ Ihar Paźniak.
«Žanr, u jakim pracujuć «Kontury», — «infarmacyjny art». Heta samy prahresiŭny styl padačy infarmacyi, jaki praduhledžvaje asablivuju aŭtarskuju pazicyju reparciora ŭ adnosinach da padziei i cikavaje režysiorskaje rašeńnie», — tak bačyli svaju prahramu jaje stvaralniki.
«Kontury» na ANT — prahrama-doŭhažychar sa znakam jakaści», — tak napisała pres-słužba kanała ŭ raźvitalnym paście ŭ telehram-kanale.
Čym zamieniać «Kontury», pakul nieviadoma.