Пацвердзілася затрыманне аналітыка Андрэя Паротнікава
Гучны фільм пра яго затрыманне анансуе дзяржаўны тэлеканал АНТ.
28.08.2023 / 16:42
Андрэй Паротнікаў. Скрын відэа АНТ
У сакавіку «Наша Ніва» пісала, што аналітык можа быць затрыманы. Тады яго знаёмы паведамляў, што Паротнікава затрымалі ў Маскве і даставілі ў Мінск.
Як вынікае з апублікаванага анонса АНТ, аналітыка затрымалі ўсё ж у Смаленску.
Наколькі нам вядома, Паротнікава трымаюць у СІЗА КДБ.
Апошнія допісы ў фэйсбуку аналітыка датуюцца 7 сакавіка.
Андрэй Паротнікаў быў выхадцам з Міністэрства ўнутраных спраў. Пасля звальнення з МУС ён займаўся незалежнай аналітыкай на тэмы бяспекі і сілавых структур.