Prezidentka Vienhryi zaklikała Ukrainu sieści za stoł pieramovaŭ
«Vajna praciahvajecca paŭtara hoda, i ja nie baču nijakaha vajennaha rašeńnia, jakoje pryviało b da stabilnaha i doŭhaterminovaha mira», — zajaviła Katalina Novak.
29.08.2023 / 07:54
Katalina Novak i Uładzimir Zialenski padčas vizitu prezidentki Vienhryi ŭ Kijeŭ na minułym tydni. Fota: president.gov.ua
«Vajna praciahvajecca paŭtara hoda, i ja nie baču nijakaha vajennaha rašeńnia, jakoje pryviało b da stabilnaha i doŭhaterminovaha miru. Tamu nieabchodna sieści za stoł pieramovaŭ. Ja vykazała heta ćviordaje mierkavańnie prezidentu (Uładzimiru Zialenskamu) i publična, i asabista», — zajaviła kiraŭnica vienhierskaj dziaržavy, piša Deutsche Welle.
U toj ža čas Budapiešt maje namier dałučycca da «formuły miru», inicyjavanaj Kijevam, dadała Novak. Pavodle jaje słoŭ, Vienhryja ličyć važnym svoj udzieł u lubym pracesie, zdolnym nablizić mir. Vienhryja rašuča asudžaje ŭvarvańnie RF, padkreśliła kiraŭnica dziaržavy.
Prezidentka Vienhryi 23 žniŭnia ŭziała ŭdzieł u forumie «Krymskaja płatforma» va Ukrainie, a taksama praviała pieramovy sa svaim ukrainskim kaleham. Pavodle danych aficyjnaha Kijeva, lidary abmierkavali dvuchbakovyja adnosiny, transhraničnaje supracoŭnictva i sumiesnyja inicyjatyvy ŭ Zakarpackaj vobłaści.