«У тыя дні людзі будуць шукаць смерці, але не знойдуць яе» — Дзмітрый Мядзведзеў
Экс-прэзідэнт Расіі Дзмітрый Мядзведзеў апублікаваў у сваім тэлеграм-канале чарговы допіс, аздобіўшы яго цытатамі з Евангелля, Леніна і Хрушчова.
29.08.2023 / 09:32
Дзмітрый Мядзведзеў, фота: Contributor / Getty Images
«Украінскія злачынцы абвясцілі, што ім узгаднілі любыя ўдары па ўсім расійскім, «напрыклад у Крыме». Калі гэта праўда (а сумнявацца цяпер няма прычын), то гэта прамы юрыдычны доказ саўдзелу Захаду ў вайне супраць Расіі на баку дзярж-вы Сцяпана Бандэры», — піша Мядзведзеў і зазначае, што прадказанні апакаліпсісу ўсё бліжэй.
Далей экс-прэзідэнт Расіі прыводзіць цытаты з Евангелля, Леніна і Хрушчова.
«У тыя дні людзі будуць шукаць смерці, але не знойдуць яе; пажадаюць памерці, але смерць уцячэ ад іх» (Евангелле, Адкрыццё. 9:6).
«Нас памятаюць, пакуль мы перашкаджаем іншым» (У. І. Ленін).
«Падабаецца вам ці не, але гісторыя на нашым баку. Мы вас пахаваем». (Хрушчоў).
Учора, расійскі сатырычны сайт «Панарама» пажартаваў, што Дзмітрый Мядзведзеў узначаліў Міжнародную раду КВЗ замест Аляксандра Маслякова.
Чытайце таксама:
Мядзведзеў заявіў, што капітуляцыя Кіева адкрые шлях да міру
Мядзведзеў прагназуе Зяленскаму лёс Мусаліні
Мядзведзеў пагражае Украіне вайной без канца
Мядзведзеў расказаў дзецям, што ў Расіі «не здрыганецца рука» ўжыць ядзерную зброю