U Homieli stvaryli pieršuju ŭ Biełarusi aŭtamatyzavanuju apteku
Śpiecyjalisty kampanii «Idejrobatyks» — rezidenta Homielskaha technaparka «Karał» — raspracavali pieršuju ŭ Biełarusi apteku z robatam-farmaceŭtam, paviedamiŭ staršynia Homielskaha harvykankama Uładzimir Pryvałaŭ u svaim telehram-kanale.
29.08.2023 / 15:59
«Homielskija prahramisty i inžyniery stali pieršaadkryvalnikami ŭ hetym siehmiencie na terytoryi nie tolki Respubliki Biełaruś, ale i inšych krain, — napisaŭ Pryvałaŭ. — Siarod biezumoŭnych bonusaŭ aŭtamatyzavanaj apteki: kruhłasutačnaja dastupnaść lekaŭ, anłajn-kansultacyja z farmaceŭtam, źnižeńnie adpusknoha koštu miedpreparataŭ».
Pa słovach dyrektara kampanii i kiraŭnika prajekta Dźmitryja Judzina, hety pradukt «sapraŭdy važny, pakolki padobnyja servisy buduć zapatrabavanyja nie tolki ŭ horadzie, ale i ŭ sielskaj miascovaści».
Apteka ŭjaŭlaje saboj zakryty kub, usiaredzinie jakoha raźmieščanyja stełažy ź lekavymi srodkami. Siarod ich pierasoŭvajecca robat, jaki dastaje patrebny preparat i pieradaje ŭ akienca pakupniku.
Čytajcie taksama:
Dzie ŭ Minsku možna zdać leki sa skončanym terminam prydatnaści
Aŭstralija pieršaj lehalizavała miedycynskaje vykarystańnie ekstazi i halucynahiennych hryboŭ