Źjaviłasia VIDEA, jak u Nalibockaj puščy siamja vaŭkoŭ ratuje vaŭčaniat ad miadźviedzia
Siamja vaŭkoŭ, jakaja pačuła nabližeńnie da svajho łohvišča miadźviedzia, trapiła ŭ abjektyŭ adnoj z fotapastak u Nalibockaj puščy. Darosłyja vaŭki adrazu ŭzialisia ratavać vaŭčaniat ad macniejšaha za siabie drapiežnika.
29.08.2023 / 18:56
Skrynšot ź videa
Na kadrach, jakija źjavilisia ŭ siecivie, vidać, jak darosłyja vaŭki nočču ahladajuć vakolicy i šukajuć ježu dla svaich maleńkich vaŭčaniat. Uvahu adnaho z vaŭkoŭ pryciahnuli ślady, pakinutyja miadźviedziem pablizu łohvišča.
Paśla taho para darosłych vaŭkoŭ pačała pieraciahvać małych u inšaje, bolš biaśpiečnaje miesca, pierasiakajučy pry hetym nievialiki vadajom, kab źbić miadźviedzia sa śledu.
Na videa źjaŭlajecca i sam miadźviedź, jaki idzie za vaŭkami da vadajoma, adnak u vaŭkoŭ atrymoŭvajecca prahnać bujnoha drapiežnika ad miesca, dzie jany schavali svaich dzicianiataŭ.
Čytajcie taksama:
Pad Červieniem miadźviedź pasialiŭsia na kukuruznym poli pobač z chatami
U Biełarusi stvorać novuju Čyrvonuju knihu i vyklučać ź jaje niekatoryja vidy
Miadźviedź naviedaŭsia ŭ elitny katedžny pasiołak pad Minskam