Міжнародная федэрацыя бадмінтона дапусціла беларусаў да спаборніцтваў у нейтральным статусе
Міжнародная федэрацыя бадмінтона (BWF) дазволіла спартсменам з Беларусі і Расіі ўдзельнічаць у спаборніцтвах пад сваёй эгідай. Беларусы і расіяне змогуць гуляць як індывідуальныя спартсмены ў нейтральным статусе. Рашэнне было прынята 29 жніўня.
29.08.2023 / 20:49
Фота ілюстрацыйнае
Для адбору гульцоў створаць спецыяльную камісію, якая будзе праводзіць праверку і сачыць, каб дапушчаныя да спаборніцтваў спартсмены выконвалі ўмовы.
«Мы лічым, што рашэнне адмяніць прыпыненне ўдзелу расійскіх і беларускіх спартсменаў, якія адпавядаюць крытэрыям удзелу ў якасці індывідуальных нейтральных спартсменаў, з'яўляецца пазітыўным крокам наперад у рамках нашых намаганняў па ўмацаванні міру і салідарнасці», — заявіў прэзідэнт BWF Пол-Эрык Хоер.
Чытайце таксама:
Рашэнне аб удзеле беларусаў у Алімпіядзе-2024 не будзе прынята восенню — МАК