Biełarusu i rasijanam z kazachstanskaha futbolnaha kłuba dazvolać naviedać Čechiju. Pytańnie vyrašałasia na ŭradavym uzroŭni
Pres-sakratar urada Čechii Vacłaŭ Smołka paviedamiŭ, što premjer-ministr krainy Piotr Fijała paabiacaŭ zrabić vyklučeńnie dla rasijskich i biełaruskich hulcoŭ kazachstanskaha «Taboła», u jakich uźnikli prablemy z atrymańniem vizy, piša «Priessboł».
29.08.2023 / 21:32
Pavieł Zabielin. Fota: FK «Taboł»
«My hatovyja dziejničać takim čynam, kab nie nanieści škodu intaresam i prestyžu češskich futbolnych kłubaŭ u Jeŭropie», — zajaviŭ Smołka.
Raniej biełaruski paŭabaronca Pavieł Zabielin, a taksama rasijanie Ivan Kanavałaŭ, Albiert Habarajeŭ i Pavieł Kirejenka nie atrymali dazvołu na ŭjezd u Čechiju na hulniu ŭ adkaz płej-of Lihi kanfierencyj suprać miascovaha kłuba «Viktoryja Plzień».
Pa infarmacyi vydańnia Denik.cz, infarmacyja ab prablemie z vydačaj vizy rasijskim i biełaruskim hulcam «Taboła» raniej trapiła na stoł kiraŭnika UEFA Alaksandra Čefieryna.
Čytajcie taksama:
Sprava ab pacałunku. FIFA choča adchilić Rubialesa ad futboła na 15 hadoŭ
«Hnom, ty zvarjacieŭ, spynisia». Dzi Maryja źviarnuŭsia da Miesi
Miesi naniaŭ sabie asabistaha ciełaachoŭnika. Toj biehaje ŭzdoŭž pola padčas jaho matčaŭ