«Белавія» папярэдзіла аб часовым спыненні продажу квіткоў
Кампанія «Белавія» змяніла працэдуры рэзервавання і афармлення авіябілетаў. Звязана гэта з правядзеннем тэхнічных работ.
30.08.2023 / 15:54
Рэч у тым, што «Белавія» пераходзіць на расійскую сістэму браніравання авіябілетаў «Леанарда».
У сувязі з гэтым з 20:00 1 верасня ў офісах продажаў авіякампаніі і агентаў, на сайце, а таксама ў мабільнай праграме «Белавія» будуць часова недаступныя рэзерваванне, купля, абмен і вяртанне авіябілетаў, а таксама дадатковых паслуг.
Аднавіць доступ да названых сэрвісаў авіякампанія плануе 2 верасня.
У «Белавія» таксама папярэдзілі: зарэзерваваныя авіябілеты, не аплачаныя да 20:00 1 верасня, будуць ануляваныя.
Чытайце таксама:
Сённяшні авіярэйс Мінск — Пскоў скасаваны. Ён толькі месяц таму з'явіўся ў раскладзе
«Час лятаць на сваіх». Пархомчык заявіў, што Беларусь рыхтуецца выпускаць свае самалёты