U Biełarusi buduć vyrablać preparaty kitajskaj narodnaj miedycyny — Minzdaroŭja
Ministr achovy zdaroŭja Dźmitryj Pinievič paviedamiŭ, što ŭ Biełarusi płanujuć łakalizavać vytvorčaść umacavalnych, haračkapanižalnych i liniejku ahulnych preparataŭ tradycyjnaj kitajskaj miedycyny. Pavodle jaho słoŭ, naładzić vytvorčaść pavinny naleta.
30.08.2023 / 16:36
Zdymak ilustracyjny. Fota: medworldclinic.com
«My ciapier kuplajem i hatovyja lekavyja preparaty, i amal 500 substancyj u Kitai. Chacieli b pašyryć śpiektr zakupki hetych substancyj, jakija adpaviadajuć našym patrabavańniam, zarehistravać ich, a zatym łakalizavać ich vytvorčaść na terytoryi Biełarusi», — skazaŭ Pinievič.
Taksama inviestaram z Kitaja prapanavana pabudavać centr tradycyjnaj kitajskaj miedycyny ŭ industryjalnym parku «Vialiki kamień». A pakul tam sproščanyja ŭmovy akazańnia miedycynskich pasłuh z prymianieńniem lekavych preparataŭ, vyrabaŭ, mietodyk lačeńnia, zarehistravanych u Kitai i šerahu inšych krain.
Čytajcie taksama:
U Homieli stvaryli pieršuju ŭ Biełarusi aŭtamatyzavanuju apteku
Biełaruskuju vakcynu vyprabujuć na dobraachvotnikach
Kluč da lačeńnia depresii, artrytu i Alchiejmiera chavajecca ŭ błukajučym niervie