Biełaruś płanuje admianić vizy z hetaj krainaj na Karybach
Ministr zamiežnych spraŭ Biełarusi Siarhiej Alejnik pravioŭ učora sustreču z pasłom Daminikanskaj Respubliki ŭ Biełarusi Frankam Chansam Danienbierham Kasteljanasam z nahody zaviaršeńnia jaho dypłamatyčnaj misii, paviedamlaje BiełTA.
31.08.2023 / 06:58
Plaž u Daminikanie. Fota: Wikimedia Commons
Baki abmierkavali kankretnyja kroki nakont pašyreńnia i pahłybleńnia biełaruska-daminikanskaha supracoŭnictva ŭ palityčnaj, handlova-ekanamičnaj śfierach, u tym liku pa linii pramysłovaści i sielskaj haspadarki. Jašče adna tema — maksimalnaje vykarystańnie patencyjału ŭzajemadziejańnia ŭ halinie turyzmu, adukacyi i infarmacyjnych technałohij, havorycca ŭ paviedamleńni.
Alejnik i Danienbierh Kasteljanas abmierkavali padrychtoŭku da padpisańnia pahadnieńnia ab admienie viz.
Daminikanskaja Respublika (Daminikana) — adna z najbujniejšych dziaržaŭ u Karybskim mory, znachodzicca na vostravie Haici i zajmaje 64 pracenty jaje terytoryi. Mienavita vostraŭ Haici adkryŭ pieršym z bujnych astravoŭ u 1492 hodzie Chrystafor Kałumb. Nasielnictva dziaržavy krainy — 10,5 młn čałaviek, dziaržaŭnaja mova, naturalna, ispanskaja.
Adna z krynic dachodaŭ mienavita turyzm. Pytańnie tolki ŭ tym, jak tudy dabracca ź Biełarusi pry zakrytym niebie nad Jeŭropaj.
Čytajcie taksama:
Biełarusy niečakana akazalisia ŭ lidarach pa pracentach uchvalenych šenhienskich viz
«Palaki nie chočuć pracavać». 34 hadziny ŭ čarzie na miažy prastajaŭ žychar Baranavičaŭ
Biełaruska raskazała, jak praryvałasia ź Mieksiki ŭ ZŠA i siadzieła ŭ amierykanskaj turmie