U padmaskoŭnych Myciščach idzie pachavańnie kamandzira hrupy «Vahnier» Dźmitryja Utkina
Jak paviedamlajuć rasijskija kanały, mohiłki ačeplenyja palicyjaj: nibyta siamja zahinułaha paprasiła pravieści cyrymoniju biez presy.
31.08.2023 / 12:07
Pavodle krynic kanała «VČK-OHPU», pachavańnie budzie prachodzić u zakrytym režymie, na im budzie kala 50 čałaviek ź blizkaha atačeńnia.
«Na pachavańnie pryjechała maci, apošniaja žonka Vahniera (vielmi maładaja dziaŭčyna), dvoje dziaciej. Paśla pachavańnia prachod na mohiłkach budzie adkryty ŭsim achvotnikam. Mahiła dla Dźmitryja Utkina pryhatavanaja niedaloka ad arki Pamiaci», — piša kanał.
Pachavańnie Dźmitryja Utkina. Fota: SOTA
Pavodle jaho infarmacyi, Utkina pachavajuć z vajskovymi ŭšanavańniami, ale nie poŭnymi: trunu nie paviazuć na mohiłki na łafiecie ŭ supravadžeńni roty hanarovaj varty i nie budzie artyleryjskich załpaŭ.
53-hadovy Utkin, jaki svaim pazyŭnym i daŭ nazvu PVK, raniej słužyŭ aficeram śpiecnaza HRU, mieŭ zvańnie padpałkoŭnika.
Jon byŭ na borcie samalota Embraer Legacy 600, jaki raźbiŭsia, razam z Pryhožynym. 29 žniŭnia Pryhožyna pachavali ŭ Sankt-Pieciarburhu na padkreślena nieprestyžnych mohiłkach. Ni Pucina, ni inšych pradstaŭnikoŭ rasijskaj palityčnaj elity na pachavańni nie było. Samo pachavańnie prajšło tajemna.
Čytajcie taksama:
«Usio ŭ paradku». Pryhožyn i paśla śmierci praciahvaje mistyfikavać — źjaviłasia videa ź im
PVK «Vahnier» prapanuje najmitam šukać inšuju pracu — Važnyje istorii
Pryhožyna pachavali ŭ Sankt-Pieciarburhu na padkreślena nieprestyžnych mohiłkach