Źmianiajecca schiema finansavańnia dziaržaŭnych teatraŭ
U Biełarusi źmieniacca padychody da finansavańnia dziaržaŭnych teatraŭ. Novaja schiema budzie prymianiacca z 1 studzienia 2024 hoda da kanca 2024 hoda. Adpaviedny ŭkaz padpisaŭ siońnia Alaksandr Łukašenka, paviedamlaje jahonaja pres-słužba.
31.08.2023 / 15:37
Dakumient praduhledžvaje, što finansavańnie vydatkaŭ sa srodkaŭ biudžetu i ŭłasnych srodkaŭ teatraŭ budzie rabicca ŭ praporcyjach 60/40 adpaviedna pry stvareńni novych pastanovak i praviadzieńni hastrolaŭ, a taksama apłacie kamunalnych pasłuh i ekspłuatacyjnych vydatkaŭ, vypłacie zarabotnaj płaty.
Biahučy i kapitalny ramont, nabyćcio abstalavańnia i inšych asnoŭnych srodkaŭ buduć rabicca ŭ poŭnym abjomie za košt biudžetnych srodkaŭ. Praduhledžvajecca mahčymaść akazańnia biazvypłatnaj (sponsarskaj) dapamohi na vypłatu ŭznaharodžańniaŭ rabotnikam dziaržaŭnych arhanizacyj kultury.
«Realizacyja normaŭ ukaza pavinna akazać stanoŭčy ŭpłyŭ na ŭdaskanaleńnie repiertuarnaj palityki, aktyvizacyju tvorčaj aktyŭnaści i hastrolnaj dziejnaści», — zajaŭlaje pres-słužba Łukašenki.
Čytajcie taksama:
Kupałaŭski teatr pavinien stavić bolš «patryjatyčnych» śpiektaklaŭ — Minkult
Byłaja aktrysa Kupałaŭskaha teatra viadzie ŭroki piłatesu
U anłajn-kinateatry Vodblisk pakažuć film jaho stvaralnicy Voli Čajkoŭskaj