У 109 населеных пунктах застаюцца перабоі з электрычнасцю з-за непагадзі
Перабоі з электрычнасцю ў выніку непагадзі па стане на 17:00 назіраюцца ў 109 населеных пунктах Беларусі. Пераважна гаворка ідзе пра раёны ў Гродзенскай і Віцебскай абласцях. На працягу дня электразабеспячэнне было адноўлена ў 444 населеных пунктах.
31.08.2023 / 18:48
Фота: t.me/Minenergo_by
Навальніцы са шквалістым ветрам і ліўнямі, месцамі з градам, праходзяць сёння на большай тэрыторыі краіны. Задзейнічана неабходная колькасць персаналу і тэхнікі для правядзення аднаўленчых работ у максімальна сціслыя тэрміны, інфармуе Мінэнерга.
Фота: t.me/Minenergo_by
«Энергазабеспячальныя арганізацыі вядуць пастаянны маніторынг сітуацыі, знаходзяцца ва ўзаемадзеянні з мясцовымі органамі ўлады, абласнымі падраздзяленнямі МНС, службамі Белгідрамета. Работы па ліквідацыі наступстваў непагадзі вядуцца бесперапынна. Іх абцяжарвае вялікая колькасць паваленых дрэў і галінак», — гаворыцца ў паведамленні ведамства.
Фота: t.me/Minenergo_by
Чытайце таксама:
Выйшаў з аўто на дарогу. У Асіповіцкім раёне маланка забіла 25-гадовага хлопца
Непагадзь пакінула без электрычнасці больш за 1100 населеных пунктаў
З-за навальніцы ў Мінскай вобласці ўзніклі праблемы з электрычнасцю