Ukraina atrymała ad ZŠA sistemy VAMPIRE dla baraćby z rasijskimi dronami
Pientahon paviedamiŭ, što zhodna z kantraktam, zaklučanym jašče ŭ studzieni, čatyry z 14 sistem prybyli va Ukrainu letam i ŭžo vykarystoŭvajucca. Astatnija pavinny być pastaŭlenyja da kanca hoda.
01.09.2023 / 13:23
Sistema VAMPIRE — efiektyŭny srodak baraćby ź bieśpiłotnikami. Fota: l3harris.com
Pavodle danych Pientahona, na jakija spasyłajecca Bloomberg, ukrainskija vojski ciapier vykarystoŭvajuć amierykanskuju rakietnuju sistemu, viadomuju jak VAMPIRE, dla źniščeńnia rasijskich bieśpiłotnikaŭ.
VAMPIRE — partatyŭnaja mnahametavaja sistema ŭzbrajeńnia, raspracavanaja amierykanskaj kampanijaj aerakaśmičnych i abaronnych technałohij L3Harris. Pieršy pratatyp sistemy byŭ raspracavany ŭ 2021 hodzie. U 2022 hodzie byŭ prezientavany ŭdaskanaleny varyjant.
Sistema daje suchaputnym vojskam chutkaje, niedarahoje i efiektyŭnaje rašeńnie dla razhortvańnia ŭzbrajeńnia, bo moža być ustalavanaja na lubuju vajskovuju abo cyvilnuju mašynu, jakaja maje hruzavuju płatformu, usiaho za dźvie hadziny. Joju moža kiravać usiaho adzin čałaviek, a modulnaja i partatyŭnaja kanstrukcyi dazvalajuć apierataru chutka chavacca, pieramiaščacca i vieści ahoń.
Sistema VAMPIRE sprajektavanaja jak całkam aŭtanomnaja, jakaja moža ŭklučać u siabie roznyja datčyki i pakiety ŭzbrajeńnia ŭ zaležnaści ad patreb misii.
VAMPIRE, jakaja pastaŭlajecca Ukrainie, abstalavanaja sistemaj łaziernaha naviadzieńnia APKWS dla niekiravalnych rakiet Hydra 70, što dazvolić chutka adsočvać, paznačać łazieram i paražać naziemnyja i pavietranyja celi, jakija vychodziać za miežy dalokaści dziejańnia zvyčajnaj zbroi.
U spałučeńni ź niekantaktnym uzryvalnikam VAMPIRE moža zabiaśpiečyć pavyšanuju efiektyŭnaść vybuchu i latalnaść. Niekantaktny ŭzryvalnik dazvalaje pierachaplać bieśpiłotnik ź mienšymi vydatkami, čym inšyja mietady, a dziakujučy łaziernamu naviadzieńniu rakiety, jakoje aktyvujecca pry zapusku, nie patrabujecca zachopu celi pierad zapuskam.
Jak adznačaje Bloomberg, u krasaviku Pientahon zajaviŭ, što zaklučyŭ kantrakt na pastaŭku Ukrainie 10 mabilnych sistem VAMPIRE z łaziernym naviadzieńniem, ale nie ahučyŭ dadatkovaj infarmacyi nakont ich.
U adroźnieńnie ad asnoŭnaj vajskovaj dapamohi ZŠA Ukrainie, jakaja pastupaje ź isnych zapasaŭ, kantrakt na sistemy VAMPIRE koštam 40 miljonaŭ dalaraŭ niepasredna zakranaje abaronnuju pramysłovaść u ramkach prahramy «Inicyjatyva sadziejničańnia biaśpiecy Ukrainy».
Čytajcie jašče:
ZŠA zakupiać dla Ukrainy rakiety AMRAAM. Što pra ich viadoma
Apublikavana VIDEA zapusku novaj ukrainskaj rakiety
Ukraina atrymaje pieršyja dziesiać tankaŭ Abrams užo ŭ hetym miesiacy