Cud u Džakarcie: zbornaja Łatvii vyrvała na apošnich chvilinach pieramohu ŭ Ispanii
Zbornaja Ispanii — dziejny čempijon śvietu pa baskietbole.
01.09.2023 / 15:06
Fota: FIBA
Suśvietnaje pieršynstvo pravodzicca adrazu ŭ troch krainach: u Indaniezii, na Filipinach i ŭ Japonii.
Łatvijcy na papiarednim etapie pieramahli Livan, na apošnich siekundach vyrvali pieramohu ŭ Francyi (88:86), prajhrali mocnaj Kanadzie i vyjšli ŭ nastupny etap.
Siońnia Łatvija zdoleła na apošnich chvilinach vyrvać pieramohu ŭ Ispanii — čempijona śvietu 2019 hoda.
Łatvija viała paśla pieršaj čverci adno ačko, potym ispancy vyjšli napierad i paśla troch čverciaŭ lik byŭ 58:47 na karyść pireniejskaj zbornaj.
U apošniaj čverci Łatvija ździejśniła niemahčymaje: spačatku zraŭniała lik 61:61, a pry liku 68:65 vyjšła napierad i pieramohu ŭžo nie addała — 74:69.
Samymi vynikovymi ŭ Łatvii stali Davis Biertans (heta adziny hulec zbornaj, jaki vystupaje ŭ NBA) z 16 ačkami i Radyjon Kuruc z 13 ačkami i 8 padborami. U Hražulisa, Šmitsa i Zoryksa — pa 11 ačkoŭ.
Našy paŭnočna-zachodnija susiedzi majuć niebłahija šancy na 1/4 finału. U niadzielu jany zhulajuć z Brazilijaj. Siońnia ŭ hetaj hrupie budzie zhulany jašče adzin matč Kanada — Brazilija.
Čytajcie taksama:
Zbornaja Litvy vyjšła ŭ čverćfinał čempijanatu śvietu pa baskietbole
U Vilni prajšoŭ biełaruski turnir pa baskietbole
Baskietbolnuju zbornuju Biełarusi nie dapuścili da losavańnia Jeŭra-2025