Chakieisty CSKA vyjšli na raźminku ŭ formie ź litaraj Z i emblemaj bataljona «Espańjoła», jaki vajuje va Ukrainie
Cimvaličnaje ŭkidańnie šajby pierad matčam zrabiŭ kamandzir bataljona z pazyŭnym «Ispaniec».
02.09.2023 / 11:23
Fota: telehram-kanał CHK CSKA
Chakieisty maskoŭskaha CSKA vyjšli na raskatku pierad matčam novaha siezona KCHŁ z «Ak Barsam» u formie ź litaraj Z i elemientami emblemy bataljona «Espańjoła», sfarmavanaha z futbolnych fanataŭ, jaki ŭdzielničaje ŭ vajnie va Ukrainie, piša «Mieduza».
Matč adbyŭsia 1 vieraśnia ŭ Maskvie. Pra toje, što CSKA vyrašyŭ padtrymać bataljon, havorycca ŭ aficyjnym telehram-kanale kłuba.
Cimvaličnaje ŭkidańnie šajby pierad matčam zrabiŭ kamandzir bataljona z pazyŭnym «Ispaniec».
Bataljon «Espańjoła» źviazany z byłym pamočnikam prezidenta RF Uładzisłavam Surkovym i «Adzinaj Rasijaj».
U matčy taksama ŭziaŭ udzieł bramnik CSKA Ivan Fiadotaŭ. Za heta Mižnarodnaja fiederacyja chakieja (IIHF) aštrafavała fiederacyju chakieja Rasii (FCHR) na piać tysiač šviejcarskich frankaŭ. Heta źviazana z tym, što IIHF stała na bok kłuba NCHŁ «Fiładelfija Fłajierz» u sprečcy z CSKA z nahody pravoŭ na Fiadotava — amierykanski kłub pieranios termin dziejańnia jaho kantraktu ź siezona-2022/23 na siezon-2023/24 praz słužbu chakieista ŭ vojsku.
Čytajcie taksama:
Aleks Halčaniuk, jaki sa skandałam pakinuŭ NCHŁ, budzie hulać za pieciarburhski SKA
Małady biełaruski bramnik padpisaŭ kantrakt z kamandaj NCHŁ
Adrazu piać biełarusaŭ byli abranyja na drafcie NCHŁ — 2023. Heta rekord