Зачыняецца апошняя крама адзення папулярнага беларускага брэнда
У верасні ў Мінску будзе працаваць толькі адна крама Gotti — на Кульман, 5.
04.09.2023 / 08:37
Фота: Яндэкс карты
Брэнд Gotti, які ў 2018 і 2019 гадах быў прызёрам прэміі «Народная марка», сыходзіць з беларускага рынку. Як паведамляецца на яго афіцыйнай старонцы ў Instagram, кампанія будзе ліквідаваная, піша Office Life.
У верасні ў Мінску будзе працаваць толькі адна крама Gotti — на Кульман, 5, каб правесці распродаж таварных рэшткаў. Дакладныя тэрміны яго закрыцця пакуль не называюцца.
Брэнд Gotti з'явіўся ў Беларусі 15 гадоў таму і, як гаворыцца ў звароце да кліентаў, за гэты час «прайшоў шлях ад трох швейных машын да «Народнай маркі»». Прадпрыемства спецыялізавалася на пашыве паліто і куртак.