Čeračań zabiŭ rasijskaha miadźviedzia
Eks-kandydat u prezidenty na vybarach u 2020 hodzie i staršynia likvidavanaj BSDH Siarhiej Čeračań pachvaliŭsia ŭ svaim telehram-kanale, što zabiŭ miadźviedzia.
04.09.2023 / 09:44
Fota: telehram-kanał Siarhieja Čeračnia
«U mianie šmat siabroŭ-palaŭničych. I časta partniory pryjazdžajuć u Biełaruś na palavańnie, — raspavioŭ Siarhiej Čeračań. — U nas u hetym płanie vielmi dobraja arhanizacyja. U pryvatnych uhoddziach dobry źvier i niadrenny servis. Da nas z usiaho śvietu laciać palaŭničyja. Heta nie tanny vid adpačynku. U siarednim turysty pakidajuć u našaj krainie ad 1000$ i vyšej. Časta heta 10—20 tysiač dalaraŭ za tydzień».
Ale palavaŭ Čeračań pad Vołahdaj, bo ŭ Biełarusi miadźviedzi zaniesieny ŭ Čyrvonuju knihu.
«Tut papulacyja miadźviedzia pieravyšaje 10 000 asobin. Heta samy bujny drapiežnik u našym rehijonie. Dzika, vaŭka ci inšuju žyviołu składana sustreć, a voś miadźviedź — pad kožnym kustom», — raskazaŭ biznesoviec.
Čytajcie taksama:
U Kałodziščach pad Minskam zaŭvažyli miadźviedzia
Čeračań: Biez Łukašenki my možam być uciahnutyja ŭ surjoznyja razborki
Siarhiej Čeračań zajaviŭ, što budzie ŭdzielničać u prezidenckich vybarach 2025 hoda