«Mnie patrebny mužčyna, a nie histaryčnaja fihura pobač». Zialenskaja — pra ŭpłyŭ vajny na jaje siamju
U davoli asabistym intervju pieršaja łedzi Ukrainy Alena Zialenskaja raspaviała VVS ab emacyjnym upłyvie vajny na jaje siamju.
05.09.2023 / 15:14
Alena Zialenskaja. Skryn videa
Zialenskaja raspaviała, što ich siamji nie chapaje času być razam.
«Ale my trymajemsia. U nas jość siły — i emacyjnyja, i fizičnyja. I ja ŭpeŭnienaja, što my vytrymajem usio», — dadała jana.
Kali ŭ lutym 2022 hoda Rasija ŭvarvałasia va Ukrainu, Alena Zialenskaja razam sa svaimi dziećmi miesiacami chavalisia ŭ sakretnych miescach.
Jana apisała svoj emacyjny stan u pačatku ŭvarvańnia jak «pastajannaje pačućcio adrenalinu». Ale potym, ź jaje słoŭ, treba było supakoicca i pačynać žyć «u tych umovach, jakija jość».
Z taho času Zialenskaja ŭziała na siabie bolš prykmietnuju rolu ŭ prasoŭvańni Ukrainy. Jana padarožničaje pa śviecie, sustrakajecca ź lidarami i vystupaje z pramovami.
«My žyviom nie razam z mužam, siamja razjadnanaja. My majem mahčymaść bačycca ŭsie razam nie tak časta, jak, viadoma, my chacieli b. Synu nie chapaje baćki», — raspaviała Alena Zialenskaja.
Pavodle jaje słoŭ, žyćcio va ŭmovach vajny doraha abyšłosia jaje dzieciam.
«Mnie baluča hladzieć na heta, tamu što maje dzieci ničoha nie płanujuć. Majoj dačce — 19. U takim uzroście moładź maryć ab padarožžach, novych adčuvańniach, emocyjach. U jaje niama takoj mahčymaści. <…> Heta značyć abmiežavańni ŭ časie, u tym, što ty možaš sabie dazvolić, jany isnujuć, i my niejak sprabujem z hetym žyć».
Uładzimir i Alena Zialenskija vučylisia ŭ adnoj škole, potym pracavali razam u humarystyčnym telešou — jon jak akcior, a jana jak scenarystka.
Alena kaža, što nikoli nie maryła ab tym, kab Uładzimir staŭ «histaryčnaj fihuraj», i dadaje, što sumuje pa im i choča, kab jon byŭ pobač jak jaje muž.
«Mahčyma, heta ehaistyčna, ale mnie patrebny mužčyna, a nie histaryčnaja fihura pobač», — skazała jana.
Pry hetym Zialenskaja miarkuje, što Uładzimir «sapraŭdy maje enierhiju, siłu voli, natchnieńnie i ŭpartaść dla taho, kab vystajać u hetaj vajnie».
«Ja vieru ŭ jaho i padtrymlivaju jaho. Ja viedaju, u jaho sił chapaje. Luby čałaviek u hetaj situacyi, jakoha ja viedaju, jamu było b našmat ciažej, čym jamu. Jon sapraŭdy vielmi-vielmi mocny čałaviek i ciahavity. I hetaja ciahavitaść ciapier nam usim vielmi patrebnaja».
Adzin z apošnich prajektaŭ pieršaj łedzi pryśviečany psichičnamu zdaroŭju i psichasacyjalnaj padtrymcy ŭkraincaŭ va ŭmovach vajny. Jana rychtujecca pravieści kanfierencyju ŭ Kijevie, jakaja budzie pryśviečanaja mientalnamu zdaroŭju.
«Ja vielmi spadziajusia, što mahu kahości natchnić, mahu kamuści dać nadzieju ci paradu abo svaim prykładam dakazać, što my žyviom, my pracujem, my idziom napierad», — skazała jana.
«Nichto nie moža viedać, što ciabie čakaje. I, viadoma, nichto nie moh ujavić, što ŭ XXI stahodździ ŭ centry Jeŭropy budzie raźviazanaja takaja niaprostaja vajna. Jana takaja žorstkaja. Kryvavaja vajna. Ja nikoli nie dumała, što budu ŭ hetaj roli ŭ hety čas».
«Užo paŭtara hoda my nie možam być upeŭnienyja ŭ zaŭtrašnim dni, u nas niama ŭpeŭnienaści ŭ budučyni», — patłumačyła Alena Zialenskaja.
«U nas jość vialikaja nadzieja na pieramohu, ale, kali my jaje dačakajemsia, my nie viedajem. I heta doŭhaje čakańnie, pastajanny stres», — skazała jana.
Čytajcie taksama:
Alena Zialenskaja padčas vizitu ŭ Sieuł zaklikała Paŭdniovuju Kareju bolš aktyŭna dapamahać Ukrainie
Alena Zialenskaja źniałasia dla vokładki časopisa Vogue
Zialenskaja: Naš 9-hadovy syn lubiŭ muzyku, a ciapier choča navučycca stralać