U Maskvie na mohiłkach pastavili pomnik kumiru 80-ch Juryju Šatunovu
Na Trajakuraŭskich mohiłkach u Maskvie 6 vieraśnia adbyłosia adkryćcio pomnika śpievaku Juryju Šatunovu. Siońnia jamu spoŭniłasia b 50 hod.
06.09.2023 / 11:21
Na cyrymoniju pryjechali blizkija, kalehi i prychilniki artysta — sotni čałaviek. Manumient zrobleny z bronzy i znachodzicca na hranitnym pastamiencie, pieradaje TASS.
Šatunoŭ pamior ad šyrokaha infarktu ŭ noč z 22 na 23 červienia. 28 červienia artysta kremiravali: častku prachu pachavali ŭ Maskvie, častku — pavieźli ŭ Hiermaniju.
Udava Šatunova Śviatłana ź dziećmi prylacieła ŭ Rasiju dla adkryćcia pomnika. Pavodle jaje słoŭ, pomnik kaštavaŭ jaje siamji 10 miljonaŭ rasijskich rubloŭ (kala 100 tysiač dalaraŭ).