Напаміны Duolingo робяцца ўсё больш агрэсіўнымі
У платформы для вывучэння моў Duolingo ёсць сайт, дзе можна набыць мерч.
07.09.2023 / 12:11
Адзін з карыстальнікаў Reddit падзяліўся паведамленнем, якое ён атрымаў пасля пакупкі: «Я спадзяюся, ты задаволены пакупкай. Таксама спадзяюся, што ты робіш свае заданні штодня, бо калі не… Што ж, цяпер я ведаю, дзе ты жывеш».
Хто даўно займаецца на Duolingo, той ведае іх славутыя пасіўна-агрэсіўныя напаміны пазаймацца. Большасць карыстальнікаў з гумарам адрэагавала на пост, але некаторыя каментатары задумаліся аб законнасці «пагрозы ўварвання ў дом кліентаў».