ГУБАЗіК затрымаў яшчэ аднаго праграміста. За тое, што ён «няправільна адказаў па тэлефоне»
Цяпер супраць мужчыны завялі крымінальную справу — у ягоным тэлефоне ці сацсетках былі фота з пратэстаў.
07.09.2023 / 12:45
Дзмітрый Часнакоў. Фота з ягонай старонкі Укантакце
Затрыманага клічуць Дзмітрый Часнакоў, і яму 31 год. Ён са Смалявічаў. Пасля школы Дзмітрый скончыў Мінскі радыётэхнічны каледж на праграміста.
Больш за сем гадоў мужчына працуе ў кампаніі Nord Soft, якая нядаўна амаль цалкам перабазавалася ў Літву. У ягоным Linkedin напісана, што ён працаваў менавіта ў літоўскім офісе, але пацвердзіць гэтага не ўдалося.
У канале лукашысцкай палітычнай паліцыі сцвярджаецца, што мужчыну быццам бы спрабавалі выклікаць на гутарку ў міліцыю, але ён «не даслухаў супрацоўніка і паклаў трубку». Пасля гэтага яго затрымаў ГУБАЗіК, а ў тэлефоне знайшлі фота з пратэстаў.
Цяпер супраць мужчыны заведзеная крымінальная справа па артыкуле 342 КК Беларусі — «удзел у дзеяннях, якія груба парушаюць грамадскі парадак». Яму пагражае да трох гадоў турмы.
Чытайце таксама:
Як надзейна вычысціць фоты з вашых смартфонаў — падрабязны гайд
Затрымліваюць людзей, у якіх адшукалі фота з пратэстаў у Google Photos. Як абараніць сябе — пакрокавы гайд
Як правільна чысціць свой акаўнт у Instagram, каб засцерагчы сябе. Падрабязны гайд