HUBAZiK zatrymaŭ jašče adnaho prahramista. Za toje, što jon «niapravilna adkazaŭ pa telefonie»
Ciapier suprać mužčyny zaviali kryminalnuju spravu — u jahonym telefonie ci sacsietkach byli fota z pratestaŭ.
07.09.2023 / 12:45
Dźmitryj Časnakoŭ. Fota ź jahonaj staronki Ukantakcie
Zatrymanaha kličuć Dźmitryj Časnakoŭ, i jamu 31 hod. Jon sa Smalavičaŭ. Paśla škoły Dźmitryj skončyŭ Minski radyjotechničny kaledž na prahramista.
Bolš za siem hadoŭ mužčyna pracuje ŭ kampanii Nord Soft, jakaja niadaŭna amal całkam pierabazavałasia ŭ Litvu. U jahonym Linkedin napisana, što jon pracavaŭ mienavita ŭ litoŭskim ofisie, ale paćvierdzić hetaha nie ŭdałosia.
U kanale łukašysckaj palityčnaj palicyi śćviardžajecca, što mužčynu byccam by sprabavali vyklikać na hutarku ŭ milicyju, ale jon «nie dasłuchaŭ supracoŭnika i pakłaŭ trubku». Paśla hetaha jaho zatrymaŭ HUBAZiK, a ŭ telefonie znajšli fota z pratestaŭ.
Ciapier suprać mužčyny zaviedzienaja kryminalnaja sprava pa artykule 342 KK Biełarusi — «udzieł u dziejańniach, jakija hruba parušajuć hramadski paradak». Jamu pahražaje da troch hadoŭ turmy.
Čytajcie taksama:
Jak nadziejna vyčyścić foty z vašych smartfonaŭ — padrabiazny hajd
Zatrymlivajuć ludziej, u jakich adšukali fota z pratestaŭ u Google Photos. Jak abaranić siabie — pakrokavy hajd
Jak pravilna čyścić svoj akaŭnt u Instagram, kab zaścierahčy siabie. Padrabiazny hajd