Лукашэнка павіншаваў адыёзнага Кім Чэн Ына з нацыянальным святам
«Беларускі і паўночнакарэйскі народы заўсёды адстойвалі сваё права на суверэннае развіццё і самастойны выбар сваёй будучыні», — гаворыцца ў віншаванні.
09.09.2023 / 08:43
Кім Чэн Ын разам са сваёй дачкой Чжу Э. Фота: «Голас Карэі»
Аляксандр Лукашэнка павіншаваў кіраўніка КНДР Кім Чэн Ына з нацыянальным святам — Днём утварэння Карэйскай Народна-Дэмакратычнай Рэспублікі, паведамляе БелТА.
«Беларускі і паўночнакарэйскі народы заўсёды адстойвалі сваё права на суверэннае развіццё і самастойны выбар сваёй будучыні, — гаворыцца ў віншаванні. — Прыемна адзначыць, што з моманту ўстанаўлення дыпламатычных адносін супрацоўніцтва паміж нашымі краінамі развіваецца ў атмасферы дружбы, даверу і ўзаемапавагі».
Лукашэнка выказаў упэўненасць, што кантакты Мінска і Пхеньяна ў розных галінах працягнуць умацоўвацца, уносячы важкі ўклад у пабудову больш справядлівага і бесканфліктнага свету, набліжаючы пераход міжнароднай сістэмы да шматпалярнага парадку.
Лукашэнка пажадаў Кім Чэн Ына добрага здароўя і поспехаў на адказнай дзяржаўнай пасадзе, а народу КНДР — шчасця і дабрабыту.
Вось толькі паводле замежных медый, у КНДР у апошнія месяцы прыйшоў голад, і людзі зараз паміраюць ад яго, імкнучыся выжыць.
Таксама апошнім часам колькасць самагубстваў у Паўночнай Карэі ў параўнанні з мінулым годам павялічылася на 40%, і ў першую чаргу гэта звязана з галечай, голадам і рэпрэсіямі.
Матэрыял пра голад у КНДР: «Нашы суседзі паміраюць ад голаду». Рэдкія інтэрв'ю Бі-бі-сі з жыхарамі Паўночнай Карэі
Чытайце таксама:
Паўночнакарэйцаў заклікалі ратаваць ад стыхіі партрэты Кімаў
У КНДР збег амерыканскі салдат. Ён уцякаў смеючыся, але яго адразу арыштавалі
У Паўночнай Карэі забаранілі самагубствы, бо яны цяпер лічацца «здрадай Радзіме і сацыялізму»