Латвія заваявала 5-е месца на чэмпіянаце свету па баскетболе
У матчы за 5-е месца яна сёння разграміла Літву з лікам 98:63.
09.09.2023 / 17:10
Фота: FIBA basketball
Зборная Латвіі брала ўпершыню ўдзел у чэмпіянаце свету па баскетболе, і адразу такі поспех. Прычым у адрозненне ад літоўцаў супернікі ў падапечных італьянскага трэнера Лукі Бангі былі больш сур'ёзныя.
На першым этапе яны абыгралі на апошніх хвілінах Францыю, у наступным этапе таксама на апошніх хвілінах перайгралі чэмпіёнаў свету зборную Іспаніі, затым з розніцай у 20 ачкоў перайгралі Бразілію.
У чвэрцьфінале Латвія прайграла з розніцай у два ачкі Нямеччыне, не здолеўшы за чатыры секунды да канца закінуць пераможны трохачковы. У суцяшальным турніры перамаглі Італію.
Заўтра ў матчы за 3-е месца сустрэнуцца ЗША і Канада, а фінал разыграюць еўрапейскія зборныя: Нямеччына і Сербія.
Нямеччына, дарэчы, у паўфінале перамагла каманду ЗША.
Зборныя Беларусі і Расіі выключаныя з міжнародных спаборніцтваў з-за вайны ва Украіне.
Чытайце таксама:
Латвія працягвае пісаць казку. Гэтым разам баскетбольную
Цуд у Джакарце: зборная Латвіі вырвала на апошніх хвілінах перамогу ў Іспаніі
Для гульца зборнай Сербіі чэмпіянат свету па баскетболе скончыўся на аперацыйным стале