Biełarus zdavaŭ u arendu nieruchomaść, ale padatkovaja znajšła parušeńni. Štraf taki, što nie kožnaja majomaść akupić
Padatkovaja Hrodna pravieryła dziejnaść miascovaha žychara, jaki zdavaŭ u arendu nieruchomaść. Kamieralnaja pravierka znajšła parušeńni ŭ vypłacie im padatkaŭ.
11.09.2023 / 08:48
Jak paviedamlaje pres-słužba MPZ, ustanoŭlena, što indyvidualnym pradprymalnikam atrymanaja ad zdačy ŭ arendu majomaści vyručka raźmiarkoŭvałasia pamiž im i dźviuma arhanizacyjami, adzinym zasnavalnikam jakich jon zjaŭlaŭsia.
«Takaja schiema (kali bačnaść dziejańniaŭ niekalkich płacielščykaŭ prykryvała faktyčnuju dziejnaść pradprymalnika) dazvoliła prymianiać sproščanuju sistemu padatkaabkładańnia i nie vypłačvać padachodnaha padatku ź fizičnych asob i PDV», — piša pres-słužba.
Padatkovaja naličyła dapłaty na 1,5 młn rubloŭ. Za jaki termin vypłaty padatkaŭ taki štraf i jakuju nieruchomaść zdavaŭ haradzieniec, nie paviedamlajecca.