На прадпрыемстве «Гродна Азот» здарылася няспраўнасць
Пагрозы гораду, экалогіі, жыхарам і работнікам прадпрыемства няма.
11.09.2023 / 11:16
Гродна-Азот. Фота з сайта прадпрыемства
У сувязі з няспраўнасцю, якая выявілася ў закрыцці адсякаючай арматуры перад метанатарам, аддзяленне сінтэзу і ўстаноўка Monsanto цэха аміяк-4 спыненыя. Прычыны няспраўнасці высвятляюцца.
Тэхналагічны газ, які атрымліваецца да метанатара, скідаецца на факельную ўстаноўку. Дзеля ўтылізацыі гаручых рэчываў, якія ўваходзяць у склад тэхналагічнага газу, рэгламентам вытворчасці аміяку прадугледжана спальванне тэхналагічнага газу на факельнай устаноўцы, паведамляе прадпрыемства і падкрэслівае, што пагрозы гораду, экалогіі, жыхарам і работнікам прадпрыемства няма.
Чытайце таксама:
На «Гродна-Азоце» карты паляка прапануюць здаваць у КДБ
У Гродне судзяць за хабар начальніка з «Гродна Азота»
Актывісту незалежнага прафсаюза на «Гродна Азоце» прысудзілі чатыры гады калоніі