U Maskvie pastavili pomnik Fieliksu Dziaržynskamu
U Maskvie na terytoryi štab-kvatery Słužby zamiežnaj raźviedki Rasii pastavili pomnik kiraŭniku VČK Fieliksu Dziaržynskamu, paviedamiła TASS.
11.09.2023 / 16:45
Na cyrymonii adkryćcia pomnika prysutničaŭ dyrektar SZR Siarhiej Naryškin. Jon zajaviŭ, što Dziaržynski, maŭlaŭ, «maryŭ stvaryć budučyniu, zasnavanuju na pryncypach dabra i spraviadlivaści».
Fieliks Dziaržynski paśla balšavickaj revalucyi 1917 hoda ŭznačalvaŭ Usierasijskuju nadzvyčajnuju kamisiju (VČK), jakaja ŭ hady Hramadzianskaj vajny ździajśniała teror u dačynieńni da ludziej, abvinavačanych u datyčnaści da «kontrrevalucyjnych» arhanizacyj.
Pomnik Dziaržynskamu ŭ Maskvie pastavili kala budynka KDB na Łubiancy ŭ 1958 hodzie. U 1991 hodzie paśla pravału sproby dziaržaŭnaha pieravarotu HKČP jaho demantavali, i heta dziejańnie nabyło simvaličny charaktar. Ale sam pomnik nie byŭ razburany i ciapier znachodzicca ŭ maskoŭskim parku «Muzieon». Kala budynka SZR ciapier pastavili jahonuju pamienšanuju kopiju.
U lutym 2021 hoda ŭ Maskvie arhanizavali hałasavańnie pa pytańni, ci varta znoŭ pastavić pomnik na Łubianskaj płoščy. Žychary horada pavinny byli vybrać pamiž skulpturami Fieliksa Dziaržynskaha i kniazia Alaksandra Nieŭskaha. Heta vyklikała sprečki i dyskusiju ŭ hramadstvie, a mierkavańni tych, chto hałasavaŭ, padzialilisia praktyčna paroŭnu. Heta pryviało da taho, što mer Maskvy Siarhiej Sabianin abviaściŭ ab daterminovym spynieńni hałasavańnia, zajaviŭšy, što «pomniki pavinny nie raskołvać, a abjadnoŭvać hramadstva». Łubianskuju płošču kiraŭnik horada ŭ vyniku prapanavaŭ pakinuć «jak jość».
Čytajcie taksama:
U Maskvie na mohiłkach pastavili pomnik kumiru 80-ch Juryju Šatunovu
U Mahilovie nadumali pierajmienavać płošču Ardžanikidze, prosiać prapanoŭvać nazvy
Na mahile Finbierha pastavili pomnik. Z tupoj pamyłkaj u imieni