U Słonimie znoŭ pradajuć sinahohu. Raniej užo pradali, ale paśla adabrali
Słonimskuju vialikuju sinahohu pradajuć za 64,5 tysiačy rubloŭ. Tarhi adbuducca 12 kastryčnika na placoŭcy «BUTB-majomaść». Akramia samoj sinahohi siaredziny XVII stahodździa (płošča 673 kv. m), u kamplekcie da jaje iduć dźvie prybudovy i vieranda.
11.09.2023 / 20:14
Fota: BUTB
U 2021 hodzie sinahohu ŭžo pradavali, i, zdavałasia b, usio skončyłasia paśpiachova. Budynak kupiła piśmieńnica Iłona Karavajeva za 30 tysiač rubloŭ, pradaŭšy svaju kvateru.
Žančyna chacieła akulturyć horad, dzie paśla vajny žyli jaje baćki i babula, ale nie paciahnuła darahoha ramontu — 164 tysiačy rubloŭ. U vyniku budynak viarnuli va ŭłasnaść Słonimskaha rajvykankama.
U hetym hodzie sinahohu ŭžo sprabavali pradać pa canie ŭdvaja bolšaj za ciapierašniuju — 129 tysiač. Ale žadańnia jaje kupić nichto nie vykazaŭ.
Zadatak na aŭkcyjonie składaje 7 tysiač rubloŭ, a pieršy krok tarhoŭ — 3225 rubloŭ. Paśla kupli ŭładalnik pavinien adnavić sinahohu za piać hadoŭ, inakš budynak piarojdzie da dziaržavy bieź viartańnia ŭkładzienaha.
Vialikaja słonimskaja sinahoha była ŭźviedziena ŭ 1648 hodzie ŭ styli baroka i z elemientami manumientalnaha biełaruskaha budaŭnictva. Paśla Druhoj suśvietnaj vajny budynak vykarystoŭvaŭsia ŭ jakaści składa, zatym — jak handlovaje pamiaškańnie. U 2010 hodzie budynak pieradali adździełu kultury Słonimskaha rajvykankama.
Čytajcie taksama:
Na aŭkcyjonie možna nabyć karcinu Jazepa Drazdoviča. Ale cana kusajecca
Aŭkcyjon doŭžyŭsia bolš za 37 hadzin. Dla Biełarusi heta rekord
U Hrodnie adkryli kramu, dzie pradajuć aryštavanyja sudovymi vykanaŭcami rečy