Pucin: Kali Armienija pryznała, što Karabach častka Azierbajdžana, to pra što razmova?
Uładzimir Pucin šmatsłoŭna vykazaŭsia nakont «razvarotu Armienii».
12.09.2023 / 13:02
Pustyja palicy ŭ adnoj z kramaŭ Ściepanakierta (stalicy Nahornaha Karabacha). Fota: Arcach-TV
«My prapanoŭvali taki varyjant urehulavańnia, pry jakim Karabach, Kielbadžarski i Łačynski rajony zastavalisia b pad jurysdykcyjaj Armienii. Pra heta zajaviŭ Uładzimir Pucin na plenarnaj siesii Uschodniaha ekanamičnaha forumu va Uładzivastoku, paviedamlaje news.am.
Adkazvajučy na pytańnie ab «razvarocie Armienii», kiraŭnik rasijskaj dziaržavy adznačyŭ:
«Ja nie dumaju što jość razvarot. My bačym i razumiejem, što adbyvajecca. Pra heta možna šmat kazać. My prapanoŭvali svaje varyjanty ŭrehulavańnia, heta dobra viadoma. Armienija kantralavała siem rajonaŭ, jakija pakinuła pad svaim kantrolem paśla viadomaha armiana-azierbajdžanskaha kanfliktu.
My prapanoŭvali damovicca z Azierbajdžanam takim čynam, kab dva rajony — Kielbadžarski i Łačynski faktyčna zastalisia pad jurysdykcyjaj Armienii i ŭvieś Karabach. Ale armianskaje kiraŭnictva z hetym nie pahadziłasia, choć my sprabavali pierakanać armianskaje kiraŭnictva na praciahu 10 ci to 15 hadoŭ.
Roznyja varyjanty, ale ŭ kančatkovym vyniku ŭsio zvodziłasia da hetaha. Na naša pytańnie — što budziecie rabić, nam adkazvali — budziem zmahacca. U kančatkovym vyniku ŭsio pryjšło da toj situacyi, jakaja ciapier skłałasia. Ale sprava nie tolki ŭ vynikach apošniaha kanfliktu. Armianskaje riraŭnictva pa sutnaści pryznała suverenitet Azerbajdžana nad Karabacham.
(…) Heta rašeńnie armianskaha kiraŭnictva siońniašniaha. A kali tak, kažuć nam, to vy zaraz usie pytańni, kali vy chočacie čymści zajmacca pa Karabachu, pavinny z nami vyrašać na dvuchbakovaj asnovie. A što nam skazać, tut i skazać niama čaho, kali sama Armienija pryznała Karabach častkaj Azierbajdžana.
Adkazvajučy na pytańnie ab pretenzijach Armienii da RF i ADKB i nieakazańni dapamohi, Pucin zaŭvažyŭ: «Kali Armienija pryznała, što Nahorny Karabach heta častka Azierbajdžana, pra što razmova? Klučavy składnik usioj prablemy, status Karabacha vyznačyła sama Armienija. U hetym ža ŭsia prablema».
***
Uvosień 2020 hoda ŭ chodzie vajny pamiž Armienijaj i Azierbajdžanam, jakaja skončyłasia pieramohaj apošniaha, Nahorny Karabach straciŭ častku terytoryi, a taksama było vyrašana, što Kielbadžarski, Ahdamski i Łačynski rajony (pamiž Karabacham i Armienijaj), pavinny być viernutyja pad azierbajdžanski kantrol.
U śniežni 2022 hoda Azierbajdžan zabłakavaŭ Łačynski kalidor — adzinuju darohu, jakaja złučaje Armieniju i Nahorny Karabach. Pa im u rehijon dastaŭlalisia ŭ tym liku humanitarnyja hruzy i paliva. U siaredzinie žniŭnia 2023 hoda MZS Armienii paviedamiŭ pra niedachop vady i charčavańnia ŭ Nahornym Karabachu. Azierbajdžan prapanoŭvaje humanitarnuju dapamohu, ale aficyjny Ściepanakiert naadrez admaŭlajecca, zajaŭlajučy, što ježa moža być atručanaja.
Čytajcie taksama:
Maskva navažyłasia na kanfrantacyju z Armienijaj
U Armienii praviaduć vajskovyja vučeńni sumiesna z ZŠA
Zaležnaść Armienii ad Rasii ŭ śfiery biaśpieki «była stratehičnaj pamyłkaj» — Pašynian