U Łondanie znajšli zabytuju mahiłu viadomaha biełaruskaha mastaka
Starańniami biełarusaŭ Łondana było identyfikavana miesca pachavańnia biełaruskaha mastaka i restaŭratara Michasia Saŭki-Michalskaha. Svoj apošni spačyn jon znajšoŭ na mohiłkach Stretcham, dzie pachavany pobač sa svaim synam Markam, kolišnim vučniem biełaruskaj škoły Kiryły Turaŭskaha, — piša ŭ svaich sacsietkach Skarynaŭskaja biblijateka.
12.09.2023 / 17:55
Nadmahilny pomnik Michasia Saŭki-Michalskaha, Streatham cemetery. Fota: fejsbuk Skarynaŭskaj biblijateki
Viadoma, što Michaś Saŭka-Michalski chłapčukom byŭ vyviezieny ŭ Hiermaniju, paśla vajny žyŭ u Bielhii. Skončyŭ Luvienski ŭniviersitet, dzie vyvučaŭ archieałohiju i historyju mastactva. Saŭka-Michalski śpiecyjalizavaŭsia na staražytnym naściennym rośpisie, byŭ vydatnym restaŭrataram i talenavitym mastakom.
U kalekcyi Skarynaŭki zachoŭvajecca niekalki vydatnych jaho rabot. Heta partrety ajca Robierta van Kaŭelarta i muzyki Mikoły Ravienskaha, a taksama daścipnaja aŭtakarykatura.
Michaś Saŭka-Michalski. Partret Mikoły Ravienskaha. Fota: fejsbuk Skarynaŭskaj biblijateki
Michaś Saŭka-Michalski. Partret ajca Robierta van Kaŭelarta. Fota: fejsbuk Skarynaŭskaj biblijateki
Michaś Saŭka-Michalski. Aŭtakarykatura. Fota: fejsbuk Skarynaŭskaj biblijateki
Čytajcie taksama:
Skarynaŭskaja biblijateka ŭ Łondanie adradžaje zaniatki ŭ niadzielnaj biełaruskaj škole