Małdova departavała pradstaŭnika miascovaha «Sputnika» i zabaraniła ŭjezd na 10 hadoŭ
Vital Dzianisaŭ byŭ abvieščany niepažadanaj asobaj u Respublicy Małdova.
13.09.2023 / 12:39
Vital Dzianisaŭ. Fota: sajt noi.md
Hramadzianin Rasii Vital Dzianisaŭ vykonvaŭ abaviazki mieniedžara (administratara) ahienctva navin «Sputnik Małdova» z sakavika 2023 hoda, piša noi.md.
Raniej Dzianisaŭ pracavaŭ u «Sputniku» Paŭdniovaj Asiecii i ŭznačalvaŭ «Sputnik» Azierbajdžana.
Pavodle niekatorych źviestak, siońnia ranicaj supracoŭniki mihracyjnaj słužby Małdovy pryjšli da doma žurnalista, pasadzili jaho ŭ mašynu i advieźli ŭ aeraport z pastanovaj ab departacyi.
Pradstaŭnik MZS Rasii Maryja Zacharava prakamientavała taki krok Kišyniova nastupnym čynam:
«Heta čarhovaje źviano ŭ łancužku nieadekvatnaha staŭleńnia ciapierašnich małdaŭskich uładaŭ da paniaćcia «demakratyja» — jany prosta, mabyć, nie razumiejuć, što heta takoje. Jany nie razumiejuć, što takoje svaboda słova, što takoje pravy i svabody žurnalistaŭ».
Čytajcie taksama:
U Małdovu nie puścili kampazitara filmaŭ Kusturycy. U 2015 hodzie jon vystupaŭ u akupavanym Krymie
«Sprava ab spadarožnikavych talerkach». Małdova vysyłaje 45 čałaviek z pasolstva Rasii