Vajna

Piać marskich dronaŭ atakavali rasijski karabiel u Čornym mory

Ataku biezekipažnych kataraŭ nibyta adbili, užyŭšy štatnaje karabielnaje ŭzbrajeńnie.

U Ministerstvie abarony RF zajavili pra ataku adrazu niekalkich marskich dronaŭ. Jak paviedamlaje pres-słužba viedamstva, adrazu piać marskich dronaŭ atakavali karabiel «Siarhiej Kotaŭ», jaki vykonvaŭ patrulavańnie.

«Kala 05:00 Uzbrojenymi siłami Ukrainy ažyćcioŭlena sproba atakavać piaćciu marskimi biezekipažnymi katarami patrulny karabiel Čarnamorskaha fłotu «Siarhiej Kotaŭ» u akvatoryi Čornaha mora», — paviedamiła rasijskaje Minabarony.

Pavodle ich viersii, ataku nibyta adbili — usie marskija drony «źniščanyja ahniom sa štatnaha ŭzbrajeńnia karabla». Ukraina pakul hetaha nie kamientuje.

Ranicaj u akupavanaj Jeŭpatoryi prahrymieli vybuchi. Miascovyja žychary paviedamili pra nalot bieśpiłotnikaŭ, nahadvaje UNIAN.

Čytajcie taksama:

U akupavanaj Jeŭpatoryi prahrymieli vybuchi

Kamientary da artykuła