П'яны 17-гадовы падлетак зладзіў на грузавіку ДТЗ у Магілёве
А трэцяй гадзіне ночы хлопец вырашыў развесці сваіх сяброў па дамах на аўтамабілі бацькі.
14.09.2023 / 15:08
Фота: магілёўская ДАІ
Перад гэтым падлетак выпіў піва, а затым вырашыў, што грузавы аўтамабіль бацькі стане выдатным «таксі». П'яны малады чалавек разам з прыяцелямі адправіўся катацца, аднак на вуліцы Астроўскага ў абласным цэнтры нешта пайшло не так.
У нейкі момант грузавік GAZ пачаў віхляць, а затым і зусім перакуліўся.
На шчасце, ніхто сур'ёзна не пацярпеў.
Пасля аварыі сябры 17-гадовага бяспраўніка разбегліся, а хлопца затрымалі супрацоўнікі ДАІ.
Цяпер маладому чалавеку пагражае адказнасць за «п'янае» і «бяспраўнае» кіраванне, а таксама за ўчыненае ДТЗ.