Žurnalista Alaksandra Manceviča pačnuć sudzić 27 vieraśnia
65-hadovy Alaksandr Mancevič — hałoŭny redaktar «Rehijanalnaj haziety», viadučaha niezaležnaha ŚMI Maładziečna i rehijona. Jon nieadnarazovy pieramožca žurnalisckich konkursaŭ i premij za vysokija standarty pracy. Sud nad im raspačniecca ŭ Maładziečnie 27 vieraśnia. Spravu budzie razhladać sudździa Alaksiej Iršyn, paviedamlaje «Viasna».
14.09.2023 / 18:23
Alaksandr Mancevič
Alaksandr Mancevič byŭ zatrymany 15 sakavika paśla pieratrusu ŭ jahonym domie. Jaho abvinavačvajuć pavodle art. 369-1 KK (dyskredytacyja Respubliki Biełaruś).
Zhodna z materyjałami kryminalnaj spravy, Mancevič, źjaŭlajučysia dyrektaram redakcyi haziety, sumiesna ź inšymi asobami z 1 studzienia 2020 hoda da 15 sakavika 2023 hoda raspaŭsiudžvaŭ u drukavanym vydańni i jaho internet-resursach «zaviedama chłuślivyja źviestki, jakija dyskredytujuć Biełaruś i jaje orhany ŭłady».
Čytajcie taksama:
Žurnalist Andrej Alaksandraŭ u kałonii schudnieŭ na 40 kiłahramaŭ