Выйшаў на волю палітвязень Аляксандр Гладкіх
Аляксандр Гладкіх быў асуджаны да 2 гадоў «хіміі» за абразу супрацоўніка ДАІ паводле арт. 369 КК. Цяпер, па інфармацыі «Гомельскай Вясны», Аляксандр цалкам адбыў тэрмін у ПУАТ-36 і выйшаў на волю.
14.09.2023 / 22:30
Аляксандр Гладкіх
Паводле матэрыялаў справы, мужчына пакінуў каментар у сацыяльнай сетцы «Аднакласнікі» пад пастом актывісткі Вольгі Карач з нашумелым у свой час відэа, на якім бачна, як супрацоўнік аўтамабільнай інспекцыі Ганцавіцкага РАУС Ігар Вольніч стаў нагой на шыю ўдзельніку мірнага сходу грамадзян, не згодных з палітыкай улады. На судзе палітвязень патлумачыў, што быў абураны такім стаўленнем міліцыянта да мірнага пратэстоўца.
Акрамя 2 гадоў «хіміі», суд таксама абавязаў Гладкіх выплаціць Вольнічу 1500 рублёў кампенсацыі за ягоныя «маральныя пакуты».
Чытайце таксама:
Сярод затрыманых у Наваполацку — інжынер-інтэлектуал
Журналіст Андрэй Аляксандраў у калоніі схуднеў на 40 кілаграмаў
П'яны 17-гадовы падлетак зладзіў на грузавіку ДТЗ у Магілёве