Dola MAZa na rasijskim rynku hruzavikoŭ źniziłasia
Popyt na aŭtamabili MAZ u žniŭni 2023-ha na rasijskim rynku za hod pavialičyŭsia bolš čym na 60%: u žniŭni biełaruski vytvorca hruzavych mašyn pradaŭ u Rasii 587 aŭtamabilaŭ (u žniŭni 2022 hoda — 361), piša Office life sa spasyłkaj na rasijskuju analityčnuju kampaniju «Aŭtasielhasmaš-chołdynh». Ale pry hetym jaho dola na rynku źniziłasia, bo ŭ kankurentaŭ prodažy vyraśli jašče bolš.
15.09.2023 / 09:04
Fota: Naša Niva
Ciapier MAZ zajmaje 7-je miesca ŭ topie prodažaŭ hruzavikoŭ u Rasii, sastupajučy KamAZu (jon u lidarach z amal 3 tysiačami pradadzienych u žniŭni hruzavikoŭ), kitajskim vytvorcam Sitrak, Shacman, FAW i Foton, a taksama rasijskamu HAZu.
Prodažy ŭ Rasii hruzavych aŭtamabilaŭ zamiežnych marak u žniŭni pavialičylisia na 263,7% — u asnoŭnym za košt hruzavikoŭ kitajskich marak.
U žniŭni 2023 hoda biełaruski MAZ trapiŭ u top-4 pastaŭščykoŭ rasijskaha aŭtobusnaha rynku.