У Літве сёння страйкавалі настаўнікі
У пятніцу ў Літве прайшоў папераджальны страйк настаўнікаў. У ім узялі ўдзел каля 5000 настаўнікаў з 228 школ. Страйк прайшоў з 8 да 10 гадзін раніцы, піша Delfi.
15.09.2023 / 09:49
Фота Michal Dyjuk / AP
Па словах кіраўніка прафсаюза настаўнікаў Андруса Навіцкаса, забастоўка пройдзе на першых двух уроках.
«Страйк — гэта калі не выконваецца праца, таму, можа хтосьці даўжэй паспіць дома, а хтосьці збярэцца і пап'е каву — у свабоднай форме»,-сказаў Навіцкас.
Па звестках міністра адукацыі, навукі і спорту Літвы Гінтаўтаса Навіцкаса, страйк праводзіцца на законных падставах. Прычына — недамоўленасць па пытанні павышэння заробкаў настаўнікам, 15 верасня прайшоў папераджальны страйк, а 29 верасня — пачнецца сапраўдны.
Прафсаюз, які ўзначальвае Навіцкас, патрабуе сёлета павысіць заробкі настаўнікаў на 20%. Ён таксама просіць, каб з 1 студзеня 2024 года заробкі паднялі яшчэ на 30%. Тады агульны рост заробкаў складзе 56%.
Акрамя таго, прафсаюз патрабуе знізіць колькасць вучняў у класах, прадугледзець магчымасць больш якаснай працы з вучнямі, у якіх ёсць спецпатрэбы.
Улетку Міністэрства адукацыі, навукі і спорту расказала, што сярэдні заробак настаўніка склаў 1 408 еўра на рукі. Аднак паводле прафсаюза настаўнікаў, рэальны сярэдні заробак на «рукі» склаў 1264 еўра.
Чытайце таксама:
У Вільні эвакуявалі беларускую гімназію. Аднак гэта была трэніроўка
У дзіцячых садах Вільні адмаўляюцца ад абавязковай ціхай гадзіны для ўсіх дзяцей. Чым гэта тлумачаць