Выйшла кніга вясёлых ашуканскіх гісторый з ілюстрацыямі Лявона Вольскага
«Ашуканкі» — першая кніга беларускай паэткі і пісьменніцы Яны Вольскай. Для дзяцей усіх узростаў яна напісала вясёлыя ашуканскія гісторыі. Прэм’ера выдання запланаваная на канец верасня.
15.09.2023 / 18:42
«Чытайце ашуканкі таемна ад бацькоў ці чытайце з бацькамі, пераказвайце сябрам шэптам ці гучна, верце напісанаму альбо ня верце, пакуль не праверыце», — анансуюць выхад кнігі Яна і Лявон Вольскія.
На выданне распачалася перадзамова. Да 29 верасня кнігу можна набыць са зніжкай і з подпісамі аўтараў.
Яна Вольская вучылася ў школе пісьменніцтва W/Rights, яна лаўрэатка літаратурнага конкурсу беларускага ПЭН-цэнтра да 100-годдзя нараджэння Ларысы Геніюш, пераможца конкурсу «Беларуская народная рэспубліка: кропка адліку», аўтарка дзвюх аповесцяў, апублікаваных у часопісе «Дзеяслоў».
Чытайце таксама:
У Мінску выдалі архіўныя слоўнікі беларускай мовы
Выходзіць зборнік выбраных твораў уніяцкага святара Льва Гарошкі