Marynu Zołatavu pieraviali ŭ homielskuju kałoniju
17 sakavika 2023 hoda hałoŭnuju redaktarku Tut.by asudzili na 12 hadoŭ kałonii.
16.09.2023 / 09:09
Maryna Zołatava i Ludmiła Čekina padčas suda. Fota: Tochka.by
Stała viadoma pra pieravod u PK-4 Homiela palitźniavolenaj Maryny Zołatavaj, piša «Homielskaja viasna».
Hałoŭnuju redaktarku Tut.by asudzili na 12 hadoŭ pazbaŭleńnia voli va ŭmovach ahulnaha režymu pa častcy 1 artykuła 130 KK Biełarusi «Raspalvańnie rasavaj, nacyjanalnaj, relihijnaj albo inšaj sacyjalnaj varožaści» i častcy 3 artykuła 361 «Zakliki da dziejańniaŭ, nakiravanych na pryčynieńnie škody źniešniaj biaśpiecy Respubliki Biełaruś».
Taksama MUS i KDB unieśli Marynu Zołatavu ŭ śpisy «ekstremistaŭ» i «terarystaŭ».
Padtrymać jaje možna listami i paštoŭkami, adpraŭlajučy ich na adras: PK-4, vuł. Antoškina, 3, h. Homiel, 246035, Zołatavaj Marynie Vasiljeŭnie.
Imavierna, što ŭ hetu kałoniju pieraviali i hiendyrektara Tut.by Ludmiłu Čekinu, taksama asudžanuju na 12 hadoŭ kałonii.
Čytajcie taksama:
Viarchoŭny sud adchiliŭ apielacyju pa «spravie Tut.by»
«Jaje cikaviać litaralna ŭsie padrabiaznaści». Jakija naviny dachodziać ad Maryny Zołatavaj