Лета адыходзіць не хоча. Наступныя дні будзе вельмі прыемнае надвор'е
Сіноптыкі расказалі пра надвор'е на 17—19 верасня. Будзе па-летняму цёпла.
16.09.2023 / 12:20
Фота: «Наша Ніва»
У нядзелю, 17 верасня, без ападкаў. Вецер паўднёвы, ноччу слабы, днём умераны. Ноччу +3..+9°С, месцамі +10..+12°С, днём +20..+26°С. У Мінску +21..+23°С.
У панядзелак месцамі пройдуць кароткачасовыя дажджы, магчымыя навальніцы. Ноччу +8..+15°С, максімальная тэмпература днём складзе ад +18°С па поўначы да +28°С па паўднёвым захадзе. У Мінску +24°С.
У аўторак без ападкаў і +21..+28°С. У Мінску +22°С.
Такое ж цёплае надвор'е чакаецца і ў сераду, і ў чацвер.