Pryhody Amuryka i Baroški. Biełaruska zdymaje tyktoki pra svaich sabak — pahladzicie i padymicie sabie nastroj VIDEA
Aŭtarka tyktok-akaŭnta Amur_i_Baron žyvie ŭ Chocimsku i pracuje ŭ dziciačaj škole mastactvaŭ. Štodnia jana zdymaje videa pra svaju vialikuju haspadarku — u žančyny žyvuć kački, kury, kot Kuzia, ale hałoŭnyja zorki kanała — viasiołyja aŭčarki Amur i Baron.
16.09.2023 / 16:34
Niekatoryja videa z sabakami majuć miljonny prahladaŭ. Usiaho na kanale ŭžo bolš za 70 tysiač padpisčykaŭ. U kamientarach ludzi pišuć, što videa nikoli nie nadakučvajuć, śmiajucca z Amura i Barona, a taksama chvalać pracavitaść aŭtarki kanała.
Voś rolik, na jakim sabaki nie mohuć padzialić vienik. Haspadyni davodzicca tarhavacca ź imi. Jany addajuć cacku tolki ŭ abmien na smačnuju kuračku. Videa sabrała 1,7 miljona prahladaŭ.
A tut Amuryk i Baroška ŭziali pa jabłyku, ale nie vielmi chočuć ich jeści.
Spabornictvy za pradmiety — lubimaja zabava sabak.
Ale časam enierhičnym sabakam patrebny rełaks, tady jany huškajucca na sadovych arelach z haspadyniaj.
Ci jaduć ahurki na kanapie.
U Amura i Barona jość fanaty, jakija šluć sabakam cacki.
U «Našaj Nivy» taksama jość tyktok, dzie štodnia źjaŭlajucca roliki. Jany časam nie takija śmiešnyja, jak pra Barona i Amura, ale taksama ničoha. Padpisvajciesia.