Niezvyčajnaje viasielle prajšło ŭ Minsku — upieršyniu na manakole
Minčuki Aksana i Siarhiej učora aficyjna stali mužam i žonkaj. Viasielle jany vyrašyli zładzić nie zvyčajnaje, a z ahieńčykam. Nad idejami doŭha dumać nie pryjšłosia: aboje zajmajucca ŭ škole jazdy na manakole. Z ZAHSa maładyja vyjechali nie na čornych «miersach», a mienavita na hetym srodku piersanalnaj mabilnaści, piša Onliner.
17.09.2023 / 13:25
«Siarod maich vučniaŭ skłałasia vydatnaja para — Aksana i Siarhiej, jakija čaściakom pierasoŭvajucca na manakołach razam, — raspavioŭ instruktar navučańnia jaździe na manakole Ihar Suščanka, a zaadno i arhanizatar niezvyčajnaha dziejstva na viasielli. — U dzień, kali hetaja para zachacieła ŭzakonić svaje adnosiny ŭ ZAHSie, naša supolnaść vyrašyła padtrymać ich — sustreć kala Pałaca šlubu i pravieści pa vieładarožcy da śviatočnaha stała».